Ezekiel 41
1Tua ciangin mipa in mun siangtho pualam ah kei hong paipih a kong nangte a teh hi. Kong nangte pang tuak ▼▼41.1 Hebrew khutgelh le Septuagint; Hebrew khutgelh tampen in puanbuk zaina apang
tong guk ▼▼41.1 A kizangtang tong khat pi 1½ bang (meter 0.5 bang ahi hi)
tuak a pha hi. 2A sung lutna tong sawm zai-in apang tuaka kawm tong nga a zai hi. Amah in munsiangtho puanung zong a teh hi; adung tong sawmli pha a, avai tong sawmnih a pha hi. 3 Tua ciangin munsiangtho sunglam ah pai-a, asung lutna kong nangte a teh hi, khat tong nih ta a zai hi. A sung lutna kong tong guk zai-a, a sung lutna kong pang tuaka kawmte a sahna tong sagih ahi hi. 4Tua ciangin munsiangtho sung adung lam a teh hi; tong sawmnih pha a, munsiangtho pualam mong khat le mong khat a vailam tong sawmnih mah a pha hi. Amah in kei kiangah, “Hih in Mun Siangtho Pen ahi hi,” hong ci hi. 5 Tua ciangin biakinnpi kawm a teh hi; tong guk sah a, biakinnpi pang kimkota inndei omte tong li a zai hi. c 6A panga inndeite dawl thum pha a, khat tungah khat kisuang-sawnin dawl khatah inndeino sawmthum a om hi. Biakinnpi sungah a nang ding phuh a kul lo dingin biakinnpi kimkota inndeite a nang dingin a kawm kimkot ah tawitawm a om suak hi. 7Biakinnpi kimkota inndeinote adawl sanna tawh kizui-in zai semsem hi. Biakinnpi kimkot a kilamzia a sanna tawh kizui-in a inndeite a zai semsema kilam ahi hi. A sual niampen panin a sual laita kantanin a sual sangpen dong kahlei kidawh to hi. d 8 Biakinnpi kimkot teng a lei kitawisang tuama, a kimkot-a inndeite bulpi a suak hi. Tua a sangtuam pen tehna ciang-a tehin tong guk sang hi. 9A panga inndeite a pualam sahna tong nga ahi hi. 10Biakinnpi kimkota inndeite le siampite inndeite kikal mun-awng tong sawmnih a zai hi. 11Tua mun-awng panin a kima inndeite-a tumna leilu-lam pan khat om a, leitaw-lam panin khat a om hi; a kimkot a mun-awng tawh kizopna bulpi tong nga a zai hi. e 12 Nitumna-lam panga biakinnpi tual lam a nga innpi a vailam tong sawm sagih a zai hi. Tua innpi kimkot kawm tong nga sahin tong sawmkua a sau hi. f 13 Tua ciangin biakinnpi a teh hi; a dung tong zakhat pha a biakinnpi tual le inn kikal tong zakhat mah a pha hi. 14Nisuahna lama biakinnpi mai tawh kigawmin biakinnpi tual tong zakhat mah ahi hi. g 15 Tua ciangin biakinnpi nunglam, a tual lam nga-in a dunglam teh a, a pangtuaka lamneu tawh tong zakhat a pha hi. h Munsiangtho pualam, mun siangtho sunglam le a inntual lam nga talaap, 16kongpite, tawhlet neute, tuate kimkota lamneu thumte - na khempeuh, a kongpi ciang dong tawh singpekin kituam khin hi. A sual, tawhlet ciang dong a kawm le tawhlet-te zong singpek in a kituam hi. 17A pualam kongpi tung dong, munsiangtho sunglam le mun siangtho asung apua a awnna mun khempeuh ah 18cherub-te le nisuh kungte kikhuak hi. Nisuh lim le cherub lim a kikal helh hi. Cherub khat in maitang nih nei a; 19mihing maitang a bang lam nisuh kung lam nga-in a pang khata nisuh kung lamah humpinelkai maitang lam a nga hi. Tuate biakinnpi kimkot ah a kikhuak suak hi. 20A sual panin a kongpi tunglam dong munsiangtho pualam kawm tung khempeuh ah cherub-te le nisuh kung bekbek kikhuak hi. 21 Munsiangtho pualam kongpi khuamte a sikkim vive hi a, Mun Siangtho Pen mailam panga tawh kibang linlian hi. 22Tua lai-ah tong thum a sang, tong nih ningkim ▼▼41.22 Septuagint;Hebrew sau
singpek kibawl biakna-tau khat a om hi; akiute, abul ▼▼41.22 Septuagint Hebrew sauna
le apangte singa kibawl ahi hi. Mipa in kei kiangah, “Hih in TOPA mai-a sabuai ahi hi,” hong ci hi. 23Munsiangtho puanung le Mun Siangtho Pen in kongkhak thuap nih a nei tuak hi. 24Kong khakpite khat singpek nihta-a kibawl hi a, kongpi khatah tua kongpite nih ta kithuah hi. 25Tua ciangin mun siangtho puanung pen tunga kawm tunga kikhuak bangin cherub le nisuh kung kikhuak a, talaap mai lamah singpek tawh liimsun khat kibawl hi. 26Talaap kawm tunga tawhlet neute a langnih ah nisuh kung lim kikhuak hi. Biakinnpi panga inndeite in zong liimsun a nei ciat uh hi. k
Copyright information for
ZomZIV